讀取中請稍後...
ཕར་ཕྱིན་སྤྱི་དོན། བསོད་ནམས་གྲགས་པས་མཛད།(藏文原文)《現觀總義》,福稱◎著,佛子◎譯
6 漸次加行釋
སྐབས་དྲུག་པ།
6 漸次加行釋
第六品
題目
མངོན་པར་རྟོགས་པའི་རྒྱན་འགྲེལ་པ་དང་བཅས་པ་ཡུམ་དོན་གསལ་བའི་སྒྲོན་མེ་ཞེས་བྱ་བ་ལས་མཐར་གྱིས་སྦྱོར་བའི་རྣམ་པར་བཤད་པ་བཞུགས་སོ།།
題目
般若波羅蜜多教授現觀莊嚴論俱釋解心要莊嚴疏義善說—顯明般若義之燈.漸次加行釋
6.1 十三漸次加行
མཐར་གྱིས་སྦྱོར་བ་བཅུ་གསུམ།
6.1 十三漸次加行
十三漸次加行
6.1.1
༈ དེ་ལྟར་དབང་དུ་བྱ་བ་རྒྱུ་འབྲས་བཤད་ནས་བརྟན་པ་རྒྱུ་འབྲས་བཤད་པ་ལ་གཉིས་ལས། །དང་པོ་མཁྱེན་གསུམ་གྱི་རྣམ་པ་ལ་བརྟན་པ་ཐོབ་དོན་དུ་བསྒོམ་པའི་མཐར་གྱིས་སྦྱོར་བ་བཤད་པ་ནི།
6.1.1
如是講說自在因果後,講說堅固因果有二:先講說為於三智行相得堅固而修習之漸次加行。
6.1.2
རྩེ་སྦྱོར་གྱི་རྗེས་སུ་མཐར་གྱིས་སྦྱོར་བ་འཆད་པའི་རྒྱུ་མཚན་ཅི་ཡིན་ཞེ་ན།
6.1.2
頂加行後,闡述漸次加行之理由為何?
6.1.3
དེའི་རྒྱུ་མཚན་ཡོད་དེ། མཁྱེན་གསུམ་གྱི་རྣམ་པ་ལ་དབང་ཐོབ་པ་ཙམ་གྱིས་མི་ཆོག་གྱི་བརྟན་པ་ཐོབ་ཕྱིར་དུ་མཁྱེན་གསུམ་གྱི་རྣམ་པ་མཐའ་དག་གོ་རིམས་ངེས་ཅན་དུ་སྒོམ་དགོས་སོ་ཞེས་གོ་བའི་ཆེད་དུ་ཡིན་པའི་ཕྱིར་ཏེ།
6.1.3
其理由乃為令了知不可僅於三智行相獲得自在,為了獲得堅固,必須次第修習一切三智行相故。
6.1.4
ཉི་སྣང་ལས། ད་ནི་མཐར་གྱིས་པའི་མངོན་པར་རྟོགས་པ་བརྗོད་པར་བྱ་བ་ཡིན་པས། ཞེས་དང༌། རྒྱན་སྣང་ལས། རྩེ་མོའི་མངོན་པར་རྟོགས་པ་ཐོབ་པ་ནི་སོ་སོ་བ་དང་བསྡུས་པ་ཉིད་དུ་རྟོགས་པའི་དོན་རྣམས་རིམ་པར་བཀོད་ནས་བརྟེན་པར་བྱ་བའི་ཕྱིར་བསྒོམ་པ་ཡིན་པས་ན་མཐར་གྱིས་པའི་མངོན་པར་རྟོགས་པའི་དོན་ནི་སེང་གེའི་སྒྲ་སྒྲོགས་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པའི་རྗེས་སུ་རིག་པར་བྱའོ། །ཞེས་གསུངས་པ་ཡིན་ནོ། ཞེས་དང༌།
6.1.4
如《二萬頌光明釋》云:「今當述漸次現觀。」與《莊嚴光明釋》云:「得頂現觀者修習,乃為於通達各別與歸攝之諸義,次第思惟後而得堅固。是故,漸次現觀義,乃獅子吼故,當隨知般若波羅蜜多。」
6.1.5
འགྲེལ་པ་འདིར་ཡང༌། རྩེ་མོའི་མངོན་པར་རྟོགས་པ་ཐོབ་པ་སོ་སོ་བ་དང་བསྡུས་པ་ཉིད་དུ་རྟོགས་པའི་དོན་རྣམས་གོ་རིམས་བཞིན་དུ་བཀླགས་ནས་བརྟན་པོར་བྱ་བའི་ཕྱིར་རྣམ་པར་སྒོམ་པར་བྱེད་པས་མཐར་གྱིས་པའི་མངོན་པར་རྟོགས་པ། ཞེས་གསུངས།
6.1.5
《明義釋》亦云:「獲得頂現觀,為於通達各別與歸攝之諸義,次第思惟而得堅固,故而〔說〕漸次現觀。[注]
6.1.6
དེ་ཡང་མདོའི་དབང་དུ་བྱས་ན། ལོག་རོག་བཅུ་དྲུག་པར་ཆོས་ཐམས་ཅད་དངོས་པོ་མེད་པའི་ངོ་བོ་ཉིད་དུ་རྟོགས་ནས་སངས་རྒྱས་པར་གསུངས་པ་ལས་འཕྲོས་ནས་དེ་སྐད་ཅེས་བཀའ་བསྩལ་པ་དང༌། ཚེ་དང་ལྡན་པ་རབ་འབྱོར་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གལ་ཏེ་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་དངོས་པོ་མ་མཆིས་པའི་ངོ་བོ་ཉིད་ལ་བསམ་གཏན་བཞི་དང་མངོན་པར་ཤེས་པ་ལྔས་བླ་ན་མེད་པ་ཡང་དག་པར་རྟོགས་པའི་བྱང་ཆུབ་ཏུ་མངོན་པར་འཚང་རྒྱ་ན། བཅོམ་ལྡན་འདས་དེ་ཇི་ལྟར་ཆོས་ཐམས་ཅད་དངོས་པོ་མ་མཆིས་པའི་ངོ་བོ་ཉིད་ལ་བྱང་ཆུབ་སེམས་དཔའ་ཆེན་པོ་མཐར་གྱིས་སྤྱོད་པ་དང༌། མཐར་གྱིས་སློབ་པ་དང༌། མཐར་གྱིས་ནན་ཏན་དུ་བགྱིད་པ་གང་གྱིས་བ་ན་མེད་པ་ཡང་དག་པར་རྟོགས་པའི་བྱང་ཆུབ་ཏུ་མངོན་པར་རྟོགས་པར་འཚང་རྒྱ་བར་འགྱུར་བའི་མཐར་གྱིས་སྤྱོད་པ་དང༌། མཐར་གྱིས་སློབ་པ་དང༌། མཐར་གྱིས་ནན་ཏན་བགྱི་བ་མ་མཆིས་པར་འགྱུར་ཞེས་ཞུས་པའི་ལན་དུ།
6.1.6
此復,以經而言,於第十六顛倒分別,通達一切法無性性後成佛,由此延伸:「如是告曰,具壽善現白佛言:『世尊!若菩薩摩訶薩於一切法無性性中,起四靜慮,發五神通,證得無上正等菩提,云何菩薩摩訶薩於一切法無性性中,作漸次行,修漸次學,認真行漸次行,證得無上正等菩提,作諸有情勝利樂事?』
6.1.7
བཅོམ་ལྡན་འདས་ཀྱིས་བཀའ་བསྩལ་པ།རབ་འབྱོར་འདི་ལྟར་བྱང་ཆུང་སེམས་དཔའ་སེམས་དཔའ་ཆེན་པོས་ཐོག་མར་སངས་རྒྱས་བཅོམ་ལྡན་འདས་རྣམས་དང་ཞེས་སོགས་ཀྱིས་མཐར་གྱིས་སྦྱོར་སྤྱིར་བསྟན། རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་པ་ནས་བཟུང་སྟེ། སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ་བདག་ཀྱང་སྦྱིན་པ་ཡོངས་སུ་གཏོང་ངོ༌། །ཕ་རོལ་ཀྱང་སྦྱིན་པ་ལ་རབ་ཏུ་འཇོག་གོ །སྦྱིན་པའི་ལེགས་པ་བརྗོད་དོ། །ཞེས་སོགས་ཀྱིས་མཐར་གྱིས་སྦྱོར་བཅུ་གསུམ་སོ་སོར་བཤད། དེའི་དགོངས་པ་འགྲེལ་བ་ལ་བསྟན་བཅོས་སུ། སྦྱིན་པ་ཤེས་རབ་བར་དག་དང༌། །ཞེས་སོགས་ཤླཽ་ཀ་གཅིག་གསུངས།
6.1.7
佛告善現:『諸菩薩摩訶薩初發心位,或從佛聞,⋯⋯[注]」等文總示漸次加行;「善現!復次,菩薩摩訶薩從最初發心,行布施波羅蜜多時,我亦行布施、亦勸他行布施,讚揚布施⋯⋯[注]」等文別說十三漸次加行。為釋彼意趣,論云:「布施至般若⋯⋯」等一偈頌。
6.1.8
འོ་ན་མཐར་གྱིས་སྦྱོར་སྒོམ་ཚུལ་ཇི་ལྟར་ཡིན་ཞེ་ན།
6.1.8
然則,如何修習漸次加行?
6.1.9
སྔ་མ་ཁ་ཅིག སྦྱིན་པ་ཤེས་རབ་བར་དག་དང༌། །ཞེས་སོགས་འབྱུང་བས་སྦྱིན་སོགས་ཆོས་བཅུ་གསུམ་རིམ་གྱིས་བསྒོམ་པར་བྱེད་པ་དེ་དེའི་སྒོམ་ཚུལ་ཡིན་ནོ་ཞེ་ན།
6.1.9
前有云:「由『布施至般若⋯⋯』等文,故漸次修布施等十三法乃其修習之理。」
6.1.10
མི་རིགས་ཏེ། མཚན་ཉིད་དེ་ཡི་སྦྱོར་བ་དང༌། །དེ་རབ་དེ་ཡི་གོ་རིམས་དང༌། །ཞེས་པ་རྩ་འགྲེལ་ལས། མཁྱེན་གསུམ་རིམ་ཅན་དུ་བསྒོམས་པ་ལ་གསལ་བས་བྱ་རྫོགས་ཀྱི་སྐད་ཅིག་མའི་ཐུང་མཐའ་གཅིག་ལ་མཁྱེན་གསུམ་གྱི་རྣམ་པ་བརྒྱ་བདུན་ཅུ་རྩ་གསུམ་དངོས་ཡུལ་དུ་བྱེད་པའི་ནུས་པ་ཐོབ་ཕྱིར་དུ་མཁྱེན་གསུམ་གྱི་རྣམ་པ་མ་ལུས་པ་ར་རྒྱུག་པ་ལྟར་གོ་རིམས་ངེས་ཅན་དུ་དཀྱུས་ཐོག་གཅིག་ལ་བསྒོམ་པ་དེ་མཐར་གྱིས་སྦྱོར་གྱི་སྒོམ་ཚུལ་དུ་ངེས་པར་འདོད་དགོས་པའི་ཕྱིར།
6.1.10
不合理,因「相及彼加行,彼極彼漸次」此根本文與釋本必須承許:次第修三智明顯,故為獲得於最短一成事剎那將三智一百七十三行相作為直接境之能力,而如跑馬般按照順序不間斷地修一切三智行相,是修習漸次加行之理故。
6.1.11
འོ་ན་སྦྱིན་སོགས་ཆོས་བཅུ་གསུམ་བསྟན་པ་ཅི་ཡིན་ཞེ་ན།
6.1.11
然則,何謂顯示布施等十三法?
6.1.12
དེ་ནི་ཟིན་བྱེད་ཀྱི་གྲོགས་ཤེས་པའི་ཕྱིར་དུ་བསྟན་པ་ཡིན་ཏེ། རྣམ་པ་དེ་དག་བསྒོམ་པའི་ཚེ་ལམ་གྱི་ངོ་བོའི་དབང་དུ་བྱས་ན་ཕར་ཕྱིན་དྲུག་གྱི་ཉམས་ལེན་གྱིས་ཟིན་དགོས་པ་དང༌། ལམ་ཁྱད་པར་དུ་བྱེད་པའི་བྱེད་ཆོས་ཀྱི་དབང་དུ་བྱས་ན་རྗེས་དྲན་དྲུག་གྱིས་ཟིན་དགོས་པ་དང༌། ལམ་རྣམ་པར་དག་བྱེད་ཀྱི་དབང་དུ་བྱས་ན་དངོས་མེད་ངོ་བོ་ཉིད་ཀྱི་ཤེས་རབ་ཀྱིས་ཟིན་དགོས་པའི་ཕྱིར།
6.1.12
此乃為了知攝持之助伴而顯示,因修彼等行相時,若以道之體性而言,須由六波羅蜜多修持所攝持;若以「令道成為殊勝」之法而言,須由六隨念所攝持;若以令道清淨而言,須由無性性慧所攝持故。
6.1.13
དང་པོ་གྲུབ་སྟེ། རྒྱལ་སྲས་ཀྱི་ཉམས་ལེན་མཐའ་དག་ཕར་ཕྱིན་དྲུག་གི་ཉམས་ལེན་དུ་འདུས་པའི་ཕྱིར།
6.1.13
初者成立,因佛子之修持皆攝為六波羅蜜多之修持故。
6.1.14
གཉིས་པ་གྲུབ་སྟེ། ལམ་གྱི་རྟེན་གྱི་དབང་དུ་བྱས་ན་དཀོན་ཅོག་གསུམ་རྗེས་དྲན་གྱིས་ཟིན་དགོས་པ་དང༌། སྡིག་པ་སྤོང་བ་མཚོན་བྱེད་ཚུལ་ཁྲིམས་དང༌། དགེ་བ་ཉམས་སུ་ལེན་པ་མཚོན་བྱེད་གཏོང་བ་རྗེས་དྲན་གྱིས་ཟིན་དགོས་པ་དང༌། བླང་དོར་དེ་དག་ཚུལ་བཞིན་དུ་བྱེད་པ་ལ་དཔང་པོར་སྟོན་པ་སངས་རྒྱས་ལ་སོགས་པའི་ལྷ་རྗེས་སུ་དྲན་པར་བྱེད་དགོས་པའི་ཕྱིར།
6.1.14
次者成立,因若以道之所依而言,須由隨念三寶攝持;表示斷罪,以隨念戒;表示修善,以隨念捨;如理取捨彼等之證者,須隨念導師佛等天故。
6.1.15
དང་པོ་གྲུབ་སྟེ། དཀོན་ཅོག་གསུམ་ལ་རིམ་པ་བཞིན་དུ་ལམ་སྟོན་པ་པོ་དང་ལམ་དངོས་དང་ལམ་སྒྲུབ་པའི་གྲོགས་སུ་དྲན་པའི་སྒོ་ནས་ཉམས་སུ་ལེན་དགོས་པའི་ཕྱིར། གཉིས་པ་གྲུབ་སྟེ། ཚུལ་ཁྲིམས་ལ་བརྟེན་ནས་གཞན་གནོད་གཞི་བཅས་སྤངས་པས་འགྱོད་པ་མེད་ཅིང་བླ་མ་དཀོན་ཅོག་སོགས་ལ་གཏོང་སེམས་སྤེལ་ཏེ་ཡོ་བྱད་གཞན་ལ་གཏོང་བར་ནུས་པའི་ཉམས་ལེན་གྱིས་ཟིན་དགོས་པའི་ཕྱིར།
6.1.15
初者成立,因必須憶念三寶依次為揭示道者、正道、修道之助伴之門而修持故。次者成立,因須依戒斷損惱他及事,故無悔懊,且於上師三寶等修捨心,而能捨資具於他之修持所攝持故。
6.1.16
རྩ་བའི་རྟགས་གསུམ་པ་གྲུབ་སྟེ། ཕར་ཕྱིན་དང་པོ་ལྔ་ཉམས་སུ་ལེན་པ་ལ་ཤེས་རབ་ཀྱི་ཕར་ཕྱིན་གྱི་ཉམས་ལེན་གྱིས་ཟིན་དགོས་པའི་ཕྱིར། དེ་ལྟར་ཆོས་བཅུ་གསུམ་གྱིས་ཟིན་པའི་སྒོ་ནས་རྣམ་པ་རྣམས་ཚོགས་ལམ་གྱི་གནས་སྐབས་སུ་བསྒོམ་པ་མཐར་གྱིས་སྤྱོད་པ་དང༌། སྦྱོར་ལམ་གྱི་གནས་སྐབས་སུ་བསྒོམ་པ་མཐར་གྱིས་སློབ་པ་དང༌། མཐོང་སྒོམ་གྱི་གནས་སྐབས་སུ་བསྒོམ་པ་མཐར་གྱིས་སྒྲུབ་པ་ཞེས་བྱ་སྟེ།
6.1.16
第三根本因成立,因修持前五度,須由般若波羅蜜多之修持攝持故。如是由十三法攝持之門,眾多種行相於資糧道時修為漸次行、於加行道時修為漸次學、於見修時修為漸次成辦,
6.1.17
ཉི་སྣང་ལས། དེ་ལ་སེམས་བསྐྱེད་པ་ཤེས་པར་བྱ་བའི་དོན་དུ་ནི་སྤྱོད་པ་སྨོས་སོ། །ངེས་པར་འབྱེད་པའི་ཆ་དང་མཐུན་པ་ཤེས་པར་བྱ་བའི་དོན་དུ་ནི་སློབ་པ་སྨོས་སོ། །མཐོང་བའི་ལམ་དང་སྒོམ་པའི་ལམ་ཤེས་པར་བྱ་བའི་དོན་དུ་ནི་ནན་ཏན་དུ་བྱས་པ་སྨོས་ཏེ་མངོན་པར་རྟོགས་པའི་གོ་རིམས་ཤེས་པར་བྱ་བའི་ཕྱིར་གསུམ་ཆར་སྨོས་པ་ཡིན་ནོ། །ཞེས་གསུངས།
6.1.17
如《二萬頌光明釋》云:「為令彼了知發心,故言『行』;為了知順決擇分,故說『學』;為了知見道與修道,而言『努力』;為令了知現觀次第,故言『三者』。」
ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གྱི་བསྟན་བཅོས་མངོན་པར་རྟོགས་པའི་རྒྱན་འགྲེལ་པ་དང་བཅས་པའི་རྣམ་བཤད་སྙིང་པོ་རྒྱན་གྱི་དོན་ལེགས་པར་བཤད་པ་ཡུམ་དོན་གསལ་བའི་སྒྲོན་མེ་ཞེས་བྱ་བ་ལས་སྐབས་དྲུག་པའི་རྣམ་པར་བཤད་པའོ།།
般若波羅蜜多教授現觀莊嚴論俱釋解心要莊嚴疏義善說—顯明般若義之燈.第六品釋。